2024年2月18日 星期日

泰亞萊海南雞專門店唧嘅冬蔭功湯

今日,我同老婆去泰亞萊海南雞專門店深水埗分店食午餐。我飲咗冬蔭功湯,有香茅味、酸味同辣味。有泰國水準,有驚喜😋!

2024年2月3日 星期六

雖然用咗3年嘅第2代iPhone SE重係好順,但係佢好快冇電。

自己曾經用過一啲Andriod電話,例如:三星SIII mini、A5同G8。呢啲Andriod電話用咗2年之後,都會出現空間唔夠嘅情況,後來我改用iPhone。

雖然我部第2代iPhone SE📱用咗3年重係好順,但係佢個電池🔋老化,好快冇電。我只好買電量更大嘅iPhone15📱。

2024年1月26日 星期五

今年唱紙幣慳咗好多時間

今年,匯豐銀行提供20蚊紙幣同50蚊紙幣嘅自動櫃員機,方便結咗婚嘅人禁錢💲,準備封利士。以前,我哋要係分行入面排隊唱紙幣。今年,呢個新服務真係幫到我哋慳咗好多時間,真係一大得政。😄

2024年1月14日 星期日

今年教會退修有別於以往

今年教會退修有別於以往,今年教會退修期間,我哋要行樓梯、行斜同行山路。好在我舊年有去行山,所以我應付到今次退修。希望下次教會退修前,能夠早啲同詳盡講畀我哋知。

我同老婆都患咗甲型流感

我同老婆都患咗甲型流感,病徵包括:鼻塞、流鼻涕、咳、喉嚨痛、等等。辛苦情度泊得著舊年自己患咗COVID-19 Omicron。我哋睇咗醫生,休息差唔多2個禮拜先至好返。

2023年12月30日 星期六

阿漢邀請我哋去佢屋企

阿漢一家排申請公屋好多年,今年佢哋成功申請到公屋。呢幾個月教會嘅弟兄姐妹,到佢新屋幫手。

今日,阿漢邀請我哋教會小組一班人去佢屋企,一齊慶祝佢哋入伙。我哋一齊傾計,一齊食嘢,我哋覺得好開心。

2023年12月25日 星期一

一齊食飯做冬

尋晚,我、老婆同我父母到我家姐屋企。一齊食飯做冬。因為我哋有一段時間冇連絡,所以我哋傾計傾咗好耐。

2023年12月18日 星期一

第一次去台式燒烤舖

尋日,教會去大埔旅行,我吔去咗一間台式燒烤舖。因為自己第一次去呢類舖,所以我覺得好特別,好似露天打邊爐嘅舖頭。舖頭提供嘅舖嘢食新鮮,款色多。飲品,款色多。台式燒烤比港式燒烤更有效率,燒厚身嘢食容易熟。我哋一班人,一邊食嘢、一邊傾計,我吔覺得好開心。😄

2023年11月20日 星期一

感激佢幫手

 上星期,我患咗傷風病。我準時食藥,想自己快啲好返,但係返工嗰陣,自己受到藥物影響,工作效率差咗,好在有Wallance幫手,幫我減輕工作負擔。感激佢!

2021年12月20日 星期一

2日1夜的宿營活動

上星期,我們舉辦宿營活動。

在今次2日1夜的宿營中,我們回故過去3年,我們一邊BBQ,一邊談話。天氣漸冷,我們收拾好東西後,走到室內談話,直到02:00。

小組關係變得更好。